Baritan Upacara Adat ing Pemalang

Baritan inggih menika upacara sedekah laut ing Kabupaten Pemalang ingkang dipunwontenaken saben tanggal 1 suro ing desa Asemdoyong.

Wonten mitos ing jaman kala rumiyin warga pesisir laut Pemalang kenging musibah penyakit ingkang dipunpercaya menika hukuman amarga para warga mboten menehi pakurmatan sesaji marang panguwasa pantai selatan ingkang asmanipun Dewi Lanjar saengga para warga ngawontenaken ritual sedekah laut ingkang dipunsebat Baritan. Baritan menika asalipun saking tembung mbubaraken peri lan setan. Saksampunipun nindakaken  ritual menika, wabah penyakit dados ical.

Upacara adat baritan taksih dipunprangguliing ing Desa Asemdoyong, Kabupaten Pemalang. Upacara baritan  utawi biyasanipun dipunwastani upacara nglarung sirah kebo ing tengah laut dipunlestantunaken secara tradhisional saking generasi marang generasi bacute. Masyarakat Kabupaten Pemalang gadhahi keyakinan menawi acara ritual Baritan samenika minangka sarana komunikasi antawisipun manungsa marang Gusti Allah. Upacara baritan iki dipunwontenaken kanggo nyuwun palilah kanthi nenuwun marang Gusti Allah dening tiyang ing kang nindakaken Baritan. Upacara adat Baritan menika dipunwontenake saben 1 Syuro/ 1 Hijriyah kanthi nglarung hasil bumi, jajanan pasar lan buah-buahan , mboten namung menika ingkang unik saking upacara adat Baritan menika namung ing upacara adat Baritan ugi ngawontenaken nglarung sirah lembu ing tengah laut ngangge prahu ingkang sampun dipunhiyas kaliyan bendera lan umbul-umbul janur kuning. Sakderengipun acara dipunwiwiti nelayan lan masyarakat dedonga marang Gusti Allah supados acara upacara Baritan lancar lan mboten wonten alangan. Saben dipunwontenaken upacara menika warga saking desa sanesipun rawuh lan kapengen tumut ngramekaken acara menika, nelayan ugi menehi gratisan marang para pengunjung ingkang kepengen nitih prahu lan mboten mbayar. laminipun upacara baritan menika sedinten kemawon  kangge wujud rasa syukur marang Gusti Allah ingkang sampun maringi    rezeki para nelayan ing Desa Asemdoyong selami setaun.