KAWRUH BASA PURWAKANTHI

          Purwakanthi utawa aliterasi iku unen-unen utawa ukara kang runtut basa utawa sastrane. Purwakanthi kang runtut basane diarani purwakanthi basa. Dene yen sing runtut sastrane diarani purwakanthi sastra. Purwakanthi bisa awujud ukara lumrah, bisa uga ngemot paribasan, saloka, utawa tembang.

Tuladhane :

v  Aja dumeh bagus terus kumenthus

v  Wong sabar bakal subur

v  Kebat kliwat, gancang pincang

Purwakanthi miturut wujude kaperang dadi telu, yaiku :

1)   Purwakanthi swara

2)   Purwakanthi satra, lan

3)   Purwakanthi basa/lumaksita

Jlentrehe mangkene :

1)   Purwakanthi swara

Yaiku unen-unen kang runtut swarane (vocal), padatan manggon ana ing pungkasaning tembung.

Tuladha :

v  Gemi setiti ngati-ati

v  Bungah susah iku lumrah

v  Desa mawa cara negara mawa tata

2)   Purwakanthi sastra

Yaiku, unen-unen kang runtut sastrane (konsonan). Padatan manggon ana ing wiwitaning tembung utawa ing satengahing tembung.

Tuladha :

v  Tata titi tatas titis

v  Cecer cicir cewet

v  Kala kula kelas kalih kula kulak kalo

Purwakanthi basa/lumaksita

Yaiku, unen-unen kang kadhapuk saka rong gatra. Pungkasaning gatra kapisan, sing dadi wiwitane gatra kapindho.

Tuladha :

v  Jarwa pinter, pintering satriya ing pringgandani

v  Bayem arda, ardane ngrusak busana

v  Kolik priya, piryagung anjani putra