KAWRUH DRAMA

§  Dene apik lan orane pentas sandiwara bisa dititik saka swasana lan acting paraga-paragane. Mula saka iku, manawa nyemak sandiwara utawa drama kudu nggatekake babagan ngisor iki

a.   Acting yaiku, solah bawa, polatan (mimik) paraga jroning ngayatai paraga sing diperagakake.

b.   Vocal yaiku, pocapan paraga sing mesthi wae kudu keprungu dening kabeh penonton lan jumbuh karo karakter paraga sing idparagakake.

c.    Blocking yaiku, aturan pindhah papan tumrap paraga supaya drama ing panggung bisa luwih tumata, urip, lan ora mboseni.

§  Unsur-unsur sing kudu digatekake nalika nyusun naskah drama yaiku

a.   Babak

Babak minangka bagian naskah sing ngrangkum sakabehing prastawa sing dumadi saka wektu- kapan-parastawa. Saben babak diperang adhedhasar adhegan-adhegan. Babak kasusun saka pementasan utamaning gegayutan karo latar utawa setting, amarga bagian crita drama bisa dumadi ing wektu lan papan sing bedha karo bagian liyane. Lumantar pengalihan babak, penonton dikandhani bagian crita sing ditonton ing wektu lan papan sing bedha karo sing sadurunge. Babak bisa dititik karo dekorasi tartamtu.

b.   Adegan

Adegan arupa perangan babak katitik karo gentine formasi utawa posisi paraga ing dhuwur panggung. Watesane ditemtukake mlebu lan metune paraga ing dhuwur panggung.

c.    Dialaog

Dialog yaiku, pocapan antarane paraga siji lan paraga liyane sing dadi pusat unsur struktur drama.

d.   Petunjuk lakuan

Petunjuk lakuan, isine njlentrehake sing maca lan awak pementasan(sutradara, paraga, panata seni, lsp) babagan kahanan, swasana, prastawa, utawa tumindake paraga, lan unsur-unsur crita liyane.

e.   Prolog

Prolog yaiku, perangan naskah drama sing dipanggonane ing perangan ngarep drama.

f.     Epilog

Epilog yaiku perangan pungkasane naskah drama sing isine simpulan pengarang gegayutan karo crita, nasehat, pesen moral (etika).

g.   Tema

Tema yaiku, gagasan sing dadi dhasar lakon.

h.   Penokohan

Penokohan sing bisa nuduhake corak sing nduweni karakteristik marang paraga.

i.     Alur

Alur yaiku, urut-urutaning crita sing nganut ukum dramatik.

j.     Basa

Basa yaiku, sing nggerakake paraga lan nyiptakake utawa gawe swasana. Lumantar basa sing tepung karo paraga-paraga sing ana ing drama.

k.   Solilokui (monolog)

Solilokui yaiku, pamikirane paraga sing awujud pocapan marang awake dhewe (mbatin)

l.     Aside

Aside yaiku, perangan naskah drama sing dipocapake paraga kanggo penonton nanging paraga liyane ora mangerteni pocapan mau.

§  Nulis naskah drama sumber sing utama asale saka lingkungan utawa watak manungsa. Kanggo nulis naskah drama bisa ngtekake kayata ngisor iki :

a.   Nyusun crita

b.   Njlentrehake crita dadi urut-urutaning prastawa, sing bisa kasusun dadi eksposisi, konflik, komplikasi, krisis, resolusi, lan keputusan.

c.    Urut-urutaning prastawa kudu tumuju ing arah konflik nganti tekan resolusi.

d.   Nemtokake jinis-jinis karakter sarta panerapane lumantar gerak lan dialog.

e.   Nyusun naskah awujud dialog sing efektif. Sajroning nyusun bisa migunakake telu, yaiku

§  Segi teknis yaiku, saben dialog ing sisihane diwenehi cathetan supaya cetha (anggone mlebu metune paraga, music, lsp)

§  Segi estetis, yaiku dialog kudu endah, komunikatif, nggatekake kontinuitas.

§  Segi literer, yaiku dialog bisa migunakake basa konotasi.